World cup; Bufalansa etandise na buwanguzi.
Bannantameggwa b’ekikopo ky’ensi yonna ekya World cup aba Bufalansa batandise na buwanguzi,Oliver Giroud mw’ateebedde goolo bbiri n’atuuka likodi ya Thierry Henry eya goolo 51 ku ggwanga.
Bufalasa omupiira yaguvudde mabega n’ewuttula Australia ku ggoolo 4-1 mu mupiira ogwasoose mu kibinja D ekya World Cup ayindira mu ggwanga lya Quatar.
Australia ye yasoose okuteeba ng’eyita mu Craig Goodwin mu ddakiika ey’omwenda, kyokka Bufalansa yaguyunze ng’eyita mu muwuwuttanyi Adrien Rabiot ate Giroud n’abongera ne guwummula 2-1.
Kylian Mbappe yabongedde goolo ey’omutwe mu ddakiika eya 68 ne bongerako n’eya Giround mu ddakiika eya 71.
Bufalansa n’omutendesi waayo Didier Deschamps kati be bakulembedde Group D oluvannyuma lwa Denmark ne Tunisia okugwa amaliri aga 0-0.
