Maneja yagaanyi okwesiga abazannyi be ttiimu nebagikuba.
Akulira kampuni ya Vision Group Don Wanyama (wakati) ng'akwasa abazannyi ba ttiimu y'abakozi b'omukyapa ekikopo kyebawangudde
Maneja wa ttimu ya Cashlines ,Dickens Ddumba yagaanyi okwesiga abazannyi be ab’oku katebe n’atandisa ttiimu etewera ku kisaawe.Bano baabadde ku kisaawe kya MUBS e Nakawa bwe baabadde battunka ne ttiimu y’abakozi b’omu kyapa (Production FC) ku fayinolo y’omupiira mu mizannyo egyetabwamu abakozi ba Vision Group.
Cashlines omupiira yagutandise bali 10 kyokka nga ku katebe kuliko abazannyi nga maneja Ddumba agamba nti alina omuzannyi we ekyasi gwe yeesiga eyabadde tannatuuka nga tayagala kutta saabu ye.
Kino kyamuviiriddeko okukubwa ggoolo eyasoose nga bali 10 ku kisaawe kuba Vincent Kaamu gwe baabadde balinda yBdde tannatuuka.Wabula wadde nga Kaamu oluvannyuma yazze n’ayingira omupiira ,mpaawo kinene kye yakyusizza kuba Production yabakubye ggoolo 2-0 n’ebatwalako ekikopo.
