Dr.Donald Lukare alondeddwa ng’omumyuka wa pulezidenti w’emizannyo gya Olympics.

Pulezidenti w’ekibiina ekiddukanya emizannyo gya Olympics mu Uganda ekya Uganda Olympics Committee, Dr.Donald Lukare, alondeddwa  ng’omumyuka ow’okubiri owa pulezidenti w’ekibiina ekiddukanya emizannyo egya Commonwealth Games munsi yonna ekya Commonwealth Games Federation.

Alondeddwa mu ttabamiruka wa Commonwealth Games Federation atudde e Singapore, era Donald Lukare okutuuka ku buwanguzi afunye obululu 54 nga bye bitundu 70% ku bululu 74 obukubiddwa.

Omumyuka asooka ye munnansi wa Singapore Sandra Osborne afunye obululu 66 bye bitundu 88%.

Omumyuka ow’okusatu ye munnansi wa Cook Island Graham Hugh afunye obululu 37 bye bitundu 50%.

Munnansi wa Wales, Chris Jenkins yalondeddwa nga president wa Commonwealth Games Federation omugya.