Omuzungu wa Cranes ali ku kigezo kye ekisooka.

Omutendesi wa cranes omuggya Paul Put eyasikidde Micho, ali ku kigezo kye ekisooka ku mulimu gwe
ogwa Cranes ng’akyalidde Guinea ku bugenyi ku Lwokutaano luno.
Put, amaze ebbanga ddene ng’atendeka omupiira gwa Afrika nga yaliko ku Burkina Faso n’agituusa ku
fayinolo ya AFCON 2013, yaliko ne mu Kenya.
Zino z’empaka ezisoose eri omutendesi Put okuva bweyafuna omulimu guno era ali ku kigezo ky’amanyi
okusobola okusitula omutindo omufu ogwa cranes, Micho gwe yagirekamu.
Cranes ku lugendo lwayo mu World Cup ya 2026 egenda okubeera mu USA, Canada ne Mexico,
etandikidde ku bugenyi ne Guinea era buli ggwanga erikulembera buli kibinja, liyitamu butereevu
okugenda mu World Cup.