Referee abadde ava okulamula omupiira akubiddwa emizibu!.
Referee abadde ava okulamula omupiira gwa UPDF ne Express FC abawagizi ba Express bamuteeze ne bamukuba n’oluvannyuma nebabulawo nga abaddukirizze bazze nebamuddusa mu ddwaliro erili okumpi nga yenna atoonya musaayi.
Fahad Ssekabuya nga y’abadde amyuka referee mu mupiira ogwa UPDF gwe yasambye ne Express mu kisaawe e Bombo, gye byaggweeredde nga ttiimu zombi ziremaganye ggoolo 1-1.
Omupiira guno gwabadde gwa bbugumu olw’abawagizi ba Express okwesomba mu bungi nga babadde baagala buwanguzi bwonna okuva eri aba UPDF.
Kyokka omupiira guwedde bulungi wabula amyuka Referee abadde mu mmotoka ye ng’adda Kampala kyokka abadde ayingira Matugga abawagizi ba Express ababadde mu mmotoka zaabwe bamukyise emmotoka zaabwe mu maaso era ekizzeeko kumusikambula mu mmotoka olwo ne batandika okumukuba nga bakozesa amayinja n’emiggo ekigambwa nti bagenze okulinnya emmotoka e Bombo nga bamwetegekedde.
Bano olumaze okukuba Ssekabuya ne bamuleka nga yenna atonnya musaayi ate nga abadde takyasobola kutambula nga bamunyigidde wansi. Abadduukirize bamuddusizza mu kalwaliro akabadde okumpi aka Jokasy e Matugga okusobola okufuna obujjanjabi.
