Omuyizi wa Kiira college alaze ttaaci.
Musaayimuto wa Kiira college Butiki , Gift Fred Mutalya yafuukidde Mengo SS omuteego bwe yagyekwatidde n’agiteeba omugatte gwa ggoolo mukaaga n’agiwandula mu kikopo kya FUFA TV Cup.
Mutalya , 17 , asoma S4 nga mu nsiike eyasooka e Jinja , yateeba ggoolo nnya ku ze baakuba Mengo.
Mu nsiike eyookubiri yatandikidde we yakoma n’ateeba ggoolo 2 nga bakuba (3-1).
Mengo yazze eyagala wiini ya (2-0) yeesogge fayinolo y’ekikopo kino wabula amaanyi ga Kiira college ne gagiyinga.
