Gold cup kati y’eriko akaliibwa.
Ekikopo kya Gold Cup Kyatandise.Amerika ze zitegese nga ttiimu 16 ze zikyetabyemu era Qatar yayitiddwa nga eng’enyi.Amerika,Canada,Mexico kwe kuyinza okuva akiwangula.Amerika ye yakiwangula mu 2021 era ekiwangudde enfunda 7 sso nga Mexico y’ekyasinze okukiwangula emirundi emingi (8).
Ttiimu ennene zaasudde abazannyi ab’amannya olw’okuba babadde baakazanya CONCACAF Nations League ng’eno efaanagana n’eya Bulaaya eya UEFA Nations League.Empaka zino zibaddeyo mu june era Amerika ye yakiwangudde.Ekya Gold Cup kifaanagana ne Africa Cup of Nations era kizannyibwa oluvannyuma lw’emyaka 2.
Awo omutendesi wa Amerika,Gregg Berhalter kwe kusalawo ayungule ttiimu endala etaazannye CONCACAF kuba ttiimu enkulu nkoowu.Ggoolokipa wa Arsenal ,Matt Turner ye yekka gw’akomezzaawo sso ng’abazannyi abalala bonna yabasudde okuli Sergino Dest wa AC Milan ,Chris Richards ne Robinson aba Fulham,Weston Mckennie wa Juventus,Reyan wa Dortmund,Tyler Adams Leeds,Christian Pulisic owa Chelsea ne Folarin Balogun owa Arsenal.
Amerika wadde ereese ttiimu yaayo eyookubiri,tekigaana ku gisibirako ne Canada ssente nti ekiwangula ow’Akadirirsa bw’osibako eky’e 10 (emitwalo)ofunamu 300,000 Canada nayo eriko akawera kuba bw’osibako ssente ze zimu ofunamu shs.500,000 sso nga Mexico eriko shs.600,000.
