Rangers etutte Butland.
Kiraabu ya Rangers ey’e Scotland eguze goolo kiipa Omungereza, Jack Butland ku ndagaano ya myaka ena (4) ng’endagaano ye ya kutuusa mu 2027.
Butland 30, sizoni ewedde yonna Butland agimaze ku bwazike mu Manchester United gye yasindikibwa okuva ew’ababadde bakama be aba Crystal Palace.
Ono yaakazannyira ttiimu y’eggwanga eya Bungereza emipiira mwenda nga wa kwegatta ku Rangers nga July 1 ng’agendedde ku bwereere oluvannyuma lw’endagaano ye okuggwaako mu Crystal Palace.
Ku myaka 30, yaakazannya emipiira 300 nga 90 ku gyo gya mu Liigi ya Bungereza eya Premier League.
