Nuba awangudde engule y’omuteebi asinze.
Mary Nuba awangudde engule y’omuteebi asinze okulengera akatimba mu liigi ya Bungereza eyokubaka eya Vitality Netball Super League.
Nuba okutuuka okuwangula engule eno kidiridde okuteeba goolo 808 sizoni eno.
Guno mulunndi gwa kubiri nga Nuba awangula engule eno nga ogw’asooka gwali mu 2021 nga yamalako liigi ne ggoolo 849.
Omutendesi wa She Cranes Fred Mugerwa musanyufu n’omutindo ogwateleddwao Nuba nga mugumu nti ono wakuyamba nnyo ttiimu ya She Cranes nga yeetegekera empaka z’ensi yonna eza Netball world cup ezokubeera mu mu Cape Town ekya South Africa.
“E ssaawa yonna tusuubira nti Mary Nuba ajja kwegatta ku ttiimu eri mukwetegekera empaka z’ensi yonna. Nga omutendesi wa muyozayoza era manyi anti ne mu mpaka z’ensi yonna ajja kugasa nnyo eggwanga lye,” Mugerwa bwe yategezeza
Nuba asuubirwa okwegata ku ttiimu omwezi guno okwongera okugumya enkambi ya She gyeyakubwe ku African bible University e Lubowa.
Zo empaka z’ensi yonna eza Netball World cup zaakubera mu Cape Town ekya South Africa okuva nga July 28-06 August.
Mu mpaka z’ensi yonna Uganda eri mukibinja kyakuna(D) omuli New Zealand, Singapore ne Trinidad and Tobago.
