Uganda Martyrs ekubye Kawempe Muslim.
Emikisa gya Uganda Martyrs okwesogga fayinolo ya FUFA Women’s Cup gyeyongedde oluvannyuma lw’okuwangula Kawempe Muslim (1-0) mu gw’oluzannya olusooka olwa semi.
Viola Namuddu ye yateebedde Uganda Martyrs mu mupiira ogwabaddeko obugombe olwa ttiimu zombi okuba nga tezirima kambugu mu liigi ya babinywera.
Kawempe yazze mu nsiike eno ng’eriko obusungu bw’okusubwa ekikopo ky’amasomero ga siniya ekyayindidde e Mbarara ng’eyagala kukozesa mukisa guno okwesasuza emaleko sizoni n’ekikopo.
Ne Uganda Martyrs yabadde eyagala kwesasuliza Kawempe eyagirumba omwayo n’egiwangula mu liigi.
Baakuddig’ana ku Lwomukaaga e Kawempe mupiira vvaawompitewo okulabako aneesogga ez’akamalirizo ezigenda okubeera e Kumi.
