Ttiimu 4 zesunga kusitukira mu mpaka za Stanbic Uganda Cup.
Akakiiko akategesi k’empaka za Uganda Cup aka ‘FUFA competitions department’ kamaze enteekateeka y’okusengeka emipiira gy’akamalirizo egy’oluzannya olusooka olwa ‘semi’ mu mpaka zino.
‘Semi’ zaakuzannyibwa awaka ne ku bugenyi okusalawo ttiimu ebbiri ezinaatuuka ku luzannya lwa fayinolo ezigenda okubeera e Lira.
Bannantameggwa b’empaka zino emirundi ebiri aba Vipers baakukyaza Bright Stars mu luzannya olusooka e Kitende nga 20 omwezi guno n’oluvannyuma badding’ane e Kavumba mu maka gaabwe nga 30 May.
Police FC yaakukyaza Adjumani Town council nga 15 omwezi guno e Kavumba n’oluvannyuma badding’ane nga 26 ku kisaawe kya Paridi Stadium nga ttiimu zino zombi zizannyira mu Big League.
Okusalawo omuwanguzi mu luzannya luno, ttiimu enaasinga okuteeba ggoolo yaakusomoka wabula singa balemagana ku ggoolo amateeka gajja kusalawo nga eyasokayo y’ajja okuba omuwanguzi.
