KCCA esitukidde mu kya liigi ya Volleyball .

KCCA Women Volleyball Club ekyajjaganya oluvannyuma lw’okuwangula ekikopo kya liigi ey’oku ntikko eya Volleyball ne yeggyako ekikwa kya myaka 17 gy’ebadde emaze nga kigiyita mumyagaanya gy’engalo.

rdim=0%2C0%2C0%2C0%2C1024%2C0%2C1024%2C728%2C1024%2C600&vis=1&rsz=%7C%7Cs%7C&abl=NS&fu=128&bc=31&ifi=14&uci=a!e&btvi=1&fsb=1&xpc=WMjKKbkyow&p=https%3A//www.bukedde.co.ug&dtd=21 Ku wiikendi KCCA Women Volleyball Club yalangiriddwa ku bwakyampiyoni bw’ekikopo kya liigi ya Volleyball bwe yamezze Sport-s Women Volleyball Club ku mugatta gwa wiini (2-0).

Ttiimu zombi zaabadde zirina okwezannya ensiike ssatu mu nnaku ssatu ez’enjawulo wabula oluvannyuma lwa KCCA okuwangulako bbiri ez’omuddiring’anwa, tewabadde nsonga lwaki bazannya eyookusatu.

Ensiike eyasooka KCCA yagiwangula ‘Set’ 3-1 (20-25, 25-18, 25-21 ne 25-23) ate eyookubiri nayo yagiwangudde 3-1 (25-23, 19-24, 25-23 ne 26-25).

KCCA Women Volleyball Club okutuuka ku fayinolo yawandulamu bakyampiyoni ba sizoni ewedde aba Ndejje Elites ku mugatte gwa wiini 3-1. Ate Sport-s Women Volleyball Club yawandulamu OBB Queens ku mugatte gwa wiini (2-0) ez’omuddiring’anwa.

“Shilla Omuriwe Buyondo atendeka KCCA agamba nti; “Ebadde sizoni nkambwe nnyo, obunkenke bubadde bungi ku buli mutendera kwe tubadde tutuuka naye njagala okukkiriza nti abadde Katonda atutuusizza ku buwanguzi kuba ne ttiimu zonna ze tuzze tusisinkana zibadde z’amaanyi nnyo.

Naye njagala okwebaza abazannyi, batendesi bannange n’abakulembeze b’ekitongole kya KCCA abatatulekeredde mu kiseera we tubadde twetaaga obuyambi,” bwe yannyonnyodde.