Numba ayogezza maanyi mu mpaka z’okubaka.
Buli lukya omuteebi wa She Cranes Mary Nuba ayongera okukakasa ensi nti ye muteebi wa Uganda akyasinze bwekituuka mu muzannyo gw’okubaka.
Nuba yoomu kubazannyi 30 abayitibwa omutendesi wa She Cranes Fred Mugerwa okutandika okwetegekera empaka z’ensi yonna eza Netball World Cup ezokubeera mu Cape Town ekya South okuva nga July 28- 06 August.
ku mande ya wiiki eno Nuba ayambye kiraabu ye eya Loughborough Lightning ezannyira mu liigi ya Bungereza eyababinywera eya Vitality Netball Super League okumega Celtic Dragons ku ggoolo 65 ku 48 okwekumira mu bifo ebina ebisooka mu liigi.
Ku ggoolo 65 Nuba yatebyeko 47 ekimuyambye okwenyereza mu bateebi abaana abasinga okulengera akatimba mu liigi ya Bungereza.
Nuba ali mu kifo kya kunaa mu bazannyi abasinga okulengera akatimba ne ggoolo 447 nga ate munnayuganda munne era nga ye kaputeeni wa She Cranes Peace Proscovia azanyira Surrey Storm ali mu kyakubiri ne ggoolo 455.
London Pulse ekulembedde liigi nobubonero 30, bakyampiyoni ba sizoni ewedde aba Manchester Thunder kyakubiri nobubonero 30, Surrey Storm ya Peace Proscovia kyakusatu nobubonero 27 nga ate Loughborough Lightning ya Nuba eri mukyakuna nobubonero 24
