Mbarara City eyongedde Kitara FC akazito.
Mbarara City eyongedde akazito ku Kitara FC mu kulwanira entikko ya Big League esigazaako emipiira 9 gyokka okukomekkerezebwa sizoni eno.
Eggulo yabonerezza Calvery (4-1) ku kisaawe e Kakyeka n’esenvula okuva mu kifo kyokusatu okudda mu kyokubiri ku njawulo ya bubonero busatu bwokka Kitara ekulembedde bw’egisinga.
Seiri Arigumaho yateebye ggoolo bbiri yekka, Godfrey Sunday ne Jude Ssemugabi buli omu ggoolo emu.
Sadiq Ssempigi atendeka Mbarara agamba nti buli mupiira baakugukwata nga bwe guzze okutuusa ku ssaawa esembayo.
Leero NEC eri mu kifo ekyokuna erina omukisa okulinnya mu bifo ebisatu ebisooka nga bw’erinda Police FC ezannya Mbarara City ku Ssande.
Kitara ekulembedde n’obubonero 43, Mbarara (40), Police (39), NEC (37) n’abalala. Ttiimu ssatu ezikulembera ze zeesogga ‘Super’ sizoni ejja ate 4 ezisemba wansi za kusalwako okuddayo mu ligyoni
