Peace yandiwangulira ttiimu ye ekikopo mu zo’kubaka.
Surey Storm yeekulembedde liigi ya Bungereza ey’okubaka n’obubonero 15 nga mu mipiira omukaaga gye baakazannya ekubiddwamu gumu n’ewangula etaano.
Mugweyakasembyeyo Surrey Storm yazannye London Pulse eggulo (Kulwomukaaga) mu mupiira ogwabaddeko n’obugombe nga gwagenze okuggwa nga London Pulse abali mu kyokubiri baaguwangudde ku ggoolo 52 ku 47.
Surrey Storm yaakudda mu nsiike ku Lwokutaano lwa wiiki eno nga ennaku z’omwezi 10 okwambalagana ne Team Bath abali mu kifo ky’omwenda n’obubonero busatu mu mipiira ena.
Peace nga ye yawangula engule y’omuzannyi asinze okulengera akatimba sizoni ewedde 2022, sizoni eno 2023 ali mu kyakubiri mu bateebi abakyasinze okulengera akatimba ne ggoolo 238 nga Munnayuganda omulala Mary Nuba azannyira mu Loughborough Lightning ali mu kyakusatu ne ggoolo 227.
Surrey Storm ekulembedde liigi n’obubonero 15, Loughborough Lightning eya Mary Nuba kyakubiri n’obubonero 12 nga ebwenkanya ne London Pulse abali mu kyokusatu.
