Omukago gwo’kutumbula ebyemizannyo.

Omukago guno guluubiridde kukulaakulanya mizannyo n’okugisigamu kwossa okugivujjirira.

Peter Ogwang Minisita omubeezi Ow’ebyemizannyo eyakuliddemu abakungu ba NCS kwossa Minisita Evelyn Anite Minisita w’eggwanga avunaanyizibwa ku bya bamusiigansimbi batadde omukono ku ndagaano eno.

Omukago guno guluubiridde okuyamba Minisitule zombi okukolera awamu.

Anite agamba baakuteekawo enkola egenda okuyamba bamusiigansimbi okuvujjirira emizannyo.

Bano era baakuteeka essira ku kuzimba ebisaawe n’okuddaabirizza ebiriwo okuli ekya MTN Arena Lugogo, Lugogo Tennis Court, jjiimu y’ebikonde ey’e Lugogo n’ebirala kwossa okuggya emisolo ku bintu ebikozesebwa mu mizannyo n’ebirala.

Ogwang yasabye Anite emizannyo nagyo giweebwe ettaka kwe gisobola okukulaakulanyizibwa mu bibangirizi by’amakolera ng’ekya Namanve ekisangibwa mu Wakiso.

Olukiiko lwetabiddwaamu Dr. Patrick Ogwel Ssabawandiisi wa NCS,  Ambrose Tashobya ssentebe wa NCS, Robert Mukiza akulira emirimu mu Minisitule ya bamusiigansimbi n’abalala.