Ow’ebikonde Shadir Bwogi asitukidde mu ngule ya Real Star Monthly Award okuva mu Fortebet.
![](https://endibbasports.com/wp-content/uploads/2023/02/box.jpg)
Kiddiridde omutindo gwe yayolesezza bwe yabadde akuba Omupoliisi Ivan Magumba ekikonde tonziriranga gwe yawangulidde mu ddakiika 2 zokka n’obutikiti 51.
![](https://endibbasports.com/wp-content/uploads/2023/02/PM-1024x307.jpg)
Obuwanguzi buno bwamuyambye okusitukira mu musipi gw’eggwanga ogwa ‘National Super Middleweight Title’
Omukolo Shadir kwe bamukwasirizza engule ye gubadde ku Route 256 Bar e Lugogo ku makya ga leero ku Lwokubiri.
Shadir amezze Yusuf Babu eyakubye Omutanzania Alphonce Masumbuko ‘Muchumiatumbo’ mu buzito bwa Heavy kwosa Abdul Aziz Ssebulime aggundira eng’uumi e Dubai.
Mu balala abaawangudde; Henry Nsekuye yasinze mu Rugby, Waleed Omar n’amegga aba pikipiki z’empaka, Rasheeda Mutesi n’asinga mu ‘Pool’ ate Ronald Lutaaya n’awangula aba Cricket.
![](https://endibbasports.com/wp-content/uploads/2023/01/AM-6.jpg)
Omukolo gwetabiddwaako Alex Muhangi ambaasada wa Fortebet, Henry Zimbe owa Jude Colur Solutions, Isaac Mukasa omutegesi n’abalala.