Shadir Musa awangudde ekirabo kya USPA .

Omuggunzi w’enguumi, Shadir Musa Bwogi eyaliko kapiteebi wa ttiimu y’eggwanga eya ‘The Bombers’ y’alondeddwa ekibiina ekikulira abasaka ag’emizannyo ekya USPA ku ky’obuzannyi bwa January. Yamezze banne abalala basatu mu kuvuganya okwabadde okw’amaanyi ku Mmande.

Baamulonze olw’omutindo gwe yayolesa ng’awangula omusipi gw’eggwanga ogwa Uganda Professional Boxing Commission (UPBC) ogw’obuzito bwa super middleweight (kiro 75) bwe yakuba Ivan Magumba eng’uumi tonziriranga mu ddakiika esooka mu lukontana olwali mu Lugogo Indoor Arena.

Omuggunzi w’enguumi, Shadir Musa Bwogi eyaliko kapiteebi wa ttiimu y’eggwanga eya ‘The Bombers’ y’alondeddwa ekibiina ekikulira abasaka ag’emizannyo ekya USPA ku ky’obuzannyi bwa January. Yamezze banne abalala basatu mu kuvuganya okwabadde okw’amaanyi ku Mmande.

Baamulonze olw’omutindo gwe yayolesa ng’awangula omusipi gw’eggwanga ogwa Uganda Professional Boxing Commission (UPBC) ogw’obuzito bwa super middleweight (kiro 75) bwe yakuba Ivan Magumba eng’uumi tonziriranga mu ddakiika esooka mu lukontana olwali mu Lugogo Indoor Arena.

 “Bammemba bamulonze olw’obuvumu bwe yalaga n’obumalirivu okuwangula olulwana olwo,” pulezidenti wa USPA, Al Sayed Lubega bwe yategeezezza.

Bwogi yaddiriddwa kiraabu ya pool ey’abakazi eya Mukono Women Pool Club eyawangudde liigi y’omwaka oguwedde ne kuddako omuvuzi wa ddigi Walid Omar ate ttiimu ya cricket ey’e Jinja eya Itanda Kayakers eyawangula empaka za Waterfalls Tournament n’ekwata ekyokusatu.

Mu kiseera kye kimu, USPA baayongedde amaanyi mu nkola y’okuddiza bannabyamizannyo nga bataddewo ebirabo ebirala okwongereza ku bawangula eky’obuzannyi bw’omwaka.

“Okutandika n’omwezi ogujja, tugenda kutandika okulonda omuzannyi omuto era nga mupya asinze banne wamu n’omuvujjirizi asinze okuteeka ensimbi mu mizannyo n’okugitumbula,” Lubega bwe yategeezezza.

 “Bammemba bamulonze olw’obuvumu bwe yalaga n’obumalirivu okuwangula olulwana olwo,” pulezidenti wa USPA, Al Sayed Lubega bwe yategeezezza.

Bwogi yaddiriddwa kiraabu ya pool ey’abakazi eya Mukono Women Pool Club eyawangudde liigi y’omwaka oguwedde ne kuddako omuvuzi wa ddigi Walid Omar ate ttiimu ya cricket ey’e Jinja eya Itanda Kayakers eyawangula empaka za Waterfalls Tournament n’ekwata ekyokusatu.

Mu kiseera kye kimu, USPA baayongedde amaanyi mu nkola y’okuddiza bannabyamizannyo nga bataddewo ebirabo ebirala okwongereza ku bawangula eky’obuzannyi bw’omwaka.

“Okutandika n’omwezi ogujja, tugenda kutandika okulonda omuzannyi omuto era nga mupya asinze banne wamu n’omuvujjirizi asinze okuteeka ensimbi mu mizannyo n’okugitumbula,” Lubega bwe yategeezezza.