Gareth Bale annyuse omupiira ku myaka 33!.
Abadde yaakamala mu kiraabu ya Los Angeles FC (ey’e Amerika) emyezi musanvu gyokka.
Bale, enzaalwa ya Wales era eyali emmunyeenye ya Real Madrid agenze okuwummula omupiira ng’awangudde ebikopo bya Champions Leagues bitaano (5), ebya LaLiga bisatu (3) n’ebya Club World Cup bisatu (4).
Bale ayazannyira ku kiraabu omuli Southampton, Tottenham, Real Madrid ne Los Angeles FC – asinzidde ku mikutu gye egy’oku mutimbagano n’alangirira okuwummulakwe mu ttuntu lya Mmande mw’asiimidde Katonda olw’okumutuusa ku kirooto kye eky’okuba omuwanguzi mu mupiira okumala sizoni 17 n’okubeera kapiteeni w’ensi ye okumala emipiira 111.
Asiimye ne bazadde be olw’omusingi gwe baamutemera ssaako mukyala we n’abaana be olw’okumuwagira okumala ebbanga ssaako abawagizi be mu nsi yonna.
Bale azannye emipiira 664, n’ateeba ggoolo 226 n’awangula ebikopo 22 omuli n’ebya Champions Leagues bitaano (5).
