Abawagizi ba Bufalansa bakyemulugunya.

Abawagizi ba Bufalansa bakyakiikidde ddiifiri Szymon Marciniak enzaalwa ye Poland ensingo olw’okuwa Argentina ggoolo eyookusatu gye bagamba nti yabadde terina kubalibwa.

Mu ddakiika ey’e 107, Lautaro Martinez yasensedde entabwe ya Bufalansa ng’olukwe luno lwasitudde abawagizi ne basabusityuti ba Argentina ku butebe.

Messi yagenze okuteeba nga basabusityuti ba Argentina 2 bayingidde ekisaawe nga ddiifiri tabayise.

Wano Abafalansa bagamba nti ggoolo yabadde erina okusazibwamu kubanga n’omupiira gwabadde gulina okuyimirizibwa abazze ku kisaawe bagobweko.

Bano beesibye ku tteeka nnamba 3 mu ssemateeka afuga omupiira erigamba nti’ “Ggoolo bw’eba enywedde esobola okusazibwamu singa ddiifiri amanya nti waliwo omuntu omulala abadde ku kisaawe nga talina kubaako.

Omupiira guyimirizibwa ne guddamu nga basimula kisobyo.”