Kampala University eraze amaanyi mu gya yunivasite.
![](https://endibbasports.com/wp-content/uploads/2022/12/zto.jpg)
Margaret Baagala n'omupiira ng'ateeba Ardhi University
Okubaka mu East Africa University Games
Kampala University 54-03 Ardhi
Gulu 12-55 Kampala University
IUIU 15 – 25 Mount Kenya University
Mountain of the Moon 45-06 Ardhi University
Kyambogo 18-17 Busitema
Nkumba 19-22 Ndejje
Bishop Stuart 12-17 University of Dodoma
UCU 38-14 Kenyatta
Victoria University 44-11 Makerere
Kampala University abalina ekikopo ky’okubaka mu mizannyo gy’obuvanjuba bwa Afrika batandikidde mu ggiya egy’omwaka guno egiyindira e Ndejje bwe bawangudde ensiike zombi ezisoose.
Bano beesigamye ku bassita ba She Cranes; Margaret Baagala (azannyira mu NIC), Shakirah Nassaka, Faridah Kadondi (aba Makindye Weyonje), Mercy Batamuliza (owa KCCA) n’abalala baakubye Ardhi university (54-03) ne Gulu (55-12).
Bali mu kibinja A ne Mountain of the Moon University, Ardhi University ne Gulu. Kati basigazza kuzannya Mountain of the Moon okutangaaza emikisa gy’okwesogga ‘quarter’.
Okubaka kwetabiddwaamu yunivasite 16 okuli; Ndejje, Mount Kenya, IUIU ne Nkumba mu kibinja A, Kyambogo, UCU, Kenyatta ne Busitema (B), ate University of Dodoma, Makerere, Bishop Stuart ne Victoria be bavuganyiza mu kibinja (C).
Kampala University batutte abazannyi 114 mu mizannyo 5 okuli; basketball, okubaka, volleyball, handball, omupiira ne darts.