Kisugu United yeeyongedde okwenywezza.
Kisugu United 2-1 SC Lamancia.
Kisugu United yeeyongedde okwenywereza ku kimeeza kya liigi ya Kampala ligyoni bwe yamezze SC Lamancia ggoolo 2-1.
Gwabadde mupiira gwakusatu nga Kisugu efuna obuwanguzi oluvannyuma lw’okutwala obubonero ku Tooro United olw’obutaba na layisinsi.
Kisugu eduumirwa Jonathan Mugabi gwe bakazaako erya Dante yagambye nti ekiruubirirwa kye kya kusuumuusa ttiimu eno okudda mu kibinja kya Big League.
Mpulira essanyu okulaba nga nkomawo mu nsiike kuba omutindo gulinnya buli kiseera,Mugabi bwe yategeezezza.
Kisugu United y’ekulembedde ekimeeza n’obubonero 9 mipiira esatu gye yaakazannya sizoni eno.
