City Oiler yakubiddwa omulundi ogwokusatu mu liigi ya basketball sizoni eno .
2022 National Basketball League.
Mu bakazi.
JKL Lady Dolphins 76 – 53 KCCA Leopards.
Mu basajja.
KIUN Titans 75 – 68 City Oilers.
City Oiler bakyampiyoni ba basketball emirundi musanvu egy’omuddiring’anwa bakubiddwa ensiike eyookusatu sizoni eno wakati nga balwana okwesogga ‘Playoffs’ ez’akung’unta.
KIU Titans yaggyeeyo n’ago mu buto ng’eyita mu baaliko abazannyi ba city Oilers okuli;Joseph Chuma ne Fidel Okoth okufuna wiini ey’e 10 sizoni eno baabadde mu kisaawe kya MTN Erena e Lugogo.
Jimmy Enabs nga yaakakamawo ne Silver backs (ttiimu y’eggwanga eya basketball) eyabadde mu z’okusunsulamu amawanga aganeetaba mu World Cup ye yasinze okukola obubonero obungi (20) wabula tekyasobodde kutaasa City Oilers kukubwa KIU.
Oiler baakomyewo mu nsiike nga bamaze omwezi mulamba nga tebazannya olw’abazannyi baabwe bana(4) okuli Ivan Muhwezi,Jimmy Enab, James Okello ne Tony Drileba teyazannye olw’obuvune,bonna baabadde ne Silverbacks e Kigali.
Ensiike y’abakazi eyasooseewo,JKL Dolphins yayongedde okunyweza likodi y’obutakubwamu sizoni eno bwe yawuttudde KCCA Leopards (76 – 53) ne yeenywereza ku ntikko ya liigi yabakazi.
Hope Ankello ne TaudenciaOluoch baateebye Double Double ku bubonero 16 ne libaawundi 14 buli omu.
