Aba Cricket bagenze Zimbabwe.
Frank Nsubuga, omuzannyi wa Cricketi eyataasizza Uganda okuwangula empaka za ICC Cricket World Cup qualifiers e Lugogo wiiki bbiri eziyise y’omu ku bali ku ttiimu eyasibuddwa okugenda mu Zambabwe okuvanyira ekifo mu World Cup ow’ekika ekirala eky,empiki 20 (T-20)
Empaka zino ez’ekibinja kya ICC T20 World Cup Group B qualifiers zizannyibwa mu july 9 – 17 mu kibuga Bulawayo.
Uganda egenda kuddamu okusisinkana Hong Kong era bwe bali mu kibinja B mu mpaka ezeetabiddwamu amawanga munaana agakiikiridde enkalu z’ensi.
Amawanga amalala agali ne Uganda mu kibinja B ye Holland ne Papoa New Guinea era abiri aganakulembera ekibinja nga geesogga semifinal ate aganaatuuka ku fayinolo gaakweyongerayo okuvuganya mu mpaka z’ensi yonna eza Cricket World Cup ez’omutendera ogusooka.
Omutendesi Lawrence Mahatlane yazzizza omukasusi w’akapiira Roger Mukasa eyaliko kapiteeni wa ttiimu eno mu 2017 wabula nga yali asse omutindo.
Mukasa yeekozeeko omulimu munnene n’adda ku foomu era olw’obumanyiruvu yazziddwa ku ttiimu Mahatlane bweyategeezezza.
Mukasa azze mu kifo kya Deus Muhamuza eyafunye obuvune so nga Emmanuel Hasasya naye aze ku ttiimu n’asikira Bila Hassun.
