Bazzukulu ba Kayita abedira Envubu bagyaganya.
![](https://endibbasports.com/wp-content/uploads/2022/07/ves-1024x683.jpg)
Wiiki ewedde, Omutima Omusagi gwakuba Envubu (2- 0) wabula ab’Envubu tebaali bamativu nga bagamba ab’Omutima baakozesa omuzannyi eyeeyita Emmanuel Jjakira kyoka nga ye Emmanuel Kayita.
Bazzukulu ba Kayita abedira Envubu bagyaganya oluvannyuma lw’omutima Omusagi okuwanduka mu mpaka z’emipiira gy’Ebika by’Abaganda.
Abenvubu baawaba omusango guno mu kakiiko akaddukanya empaka zino wabula bwe gwali gusalibwa,Kyajjulwa nti Envubu yaleeta layisinsi gye yayita eya Jjakira nga teriiko sitampu na mukono gwa muwandiisi wa lukiiko olwavaako obujulizi era Omutima omusagi ne ggugyibwako omusango.
Wabula omutima omusagi wadde gwawangula omusango guno, tegwasobodde kuyita ku luzannya lwa ttiimu 32, bazzukulu ba Walusimbi, Abeffumbe bwe baabakubye ggoolo 5 – 0 ku kisaawe kya Kawanda SS.