Alestair Blick Junior awangudde engule ya piki y’omutendera gwa MXI ng’ekyabulayo empaka za mirundi ebiri.
Alestair Blick Junior awangudde engule y’omutendera gwa MXI ng’ebula empaka za mirundi ebiri okuggalawo kalenda y’omuzannyo gwa ddigi sizoni eno.
Kiddiridde okusitukira mu z’omulundi ogwokutaano (Mountain Dew National Motor Cross Championship) ezaakomekkerezeddwa ku wiikendi e Garuga ku Victoria Raceway Park n’aweza enjawulo ya bubonero 192 bw’asinga Abdul Ddamba ali mu kifo ekyokubiri.
Alestair 18, era nga y’asomera kitaawe Arthur Blick Junior maapu mu mmotoka z’empaka, kati awezezza obubonero 294, ebula mpaka za mirundi ebiri ezikola obubonero 120 eri yenna anaaziwangula. Kitegeeza Alestair ne bw’atazivuga,Ddamba takyasobola kufuna bubonero bwe bamusinga.
Kyokka ekirala ekyewuunyisa nti ate Ddamba abadde avuganya Alestair ate yasaze eddiiro n’adda mu mtendera gwa Vets gye yavuganyirizza ezaakaggwa ekiraga nti eno sizoni Alestair ajja kuvuga kumalayo bumazi mpaka naye takyaliko avuganya.
Eno ngule ya Alestair ya 10 mu byafaayo by’omuzannyo okuva bwe yagutandiika wabula ate yaakusatu ey’omuddiring’anwa mu mutendera gwa MXI.
Kiwa essanyu okufuuka kyampiyoni ng’ebula empaka za mirundi ebiri kati obwongo mbutunuulizza ngule ya Afirika (Motocross of All African Nations) ez’amasekkati (MXI Central African Championship).Aletair bwe yategeezezza.
