Ttiimu y’eggwanga eya ludo erwana kukiika mu za Afrika ne World Cup.
Uganda ye yawangula ekikopo kya Afrika ekya ludo ekyali e South Afrika.
Abazannyi ba ttiimu y’eggwanga eya ludo bali mu keetalo nga beetegekera okuzannya ez’okusunsulamu eza Afrika n’eza World Cup.
Eza Afrika zitandika August omwaka guno ate eza World Cup mu November nga kati bali mu kaweefube wa kulonda ttiimu eneezannya empaka zino. Empaka za African Ludo Individual Championship zigenda kuyindirira mu August mu South Africa ate eza World Cup zibeere e Nepal okuva nga November 25 okutuusa 29.
Ttiimu eno omwaka oguwedde, yakoze bulungi bwe yawangudde eza Afrika Ludo Cup of Nations Champions ezaali e South Africa nga zeetabwamu amawanga 8 era Uganda n’eziwangula.
Hussein Kalule pulezidenti w’ekibiina ekiddukanya ludo mu ggwanga ekya Uganda Ludo Federation , yategeezezza nti batunuulidde okutegeka empaka za Individual Ludo Championship mwe bagenda okusunsula ttiimu 2 okulonda abazannyi 9 okukiikirira eggwanga.
