Kalenda y’emizannyo mu Buganda eya 2024 efulumye.
Minister wábavubuka ebyemizannyo nébitone mu Buganda Owek SSalongo Robert Sserwanga, atongoza kalenda yébyemizannyo eyÓbwakabaka eyómwaka guno 2024.
Owek Sserwanga kalenda eno agitongolezza ku mbuga ya Buganda enkulu mu Bulange e Mengo.
Omukolo gwetabiddwako abaami b’amasaza, abakulembeze bébibiina by’emizannyo mu Bwakabaka ne Uganda, abakungu okuva mu ministry yébyemizannyo mu government eyawakati, abakulembeze ba bavubuka mu Buganda nabalala.
Obwakabaka bugenda kutandika nókutongoza empaka zómupiira ogwébigere ez’amagombolola ezinabaawo okuva nga 27 January okutuuka nga 6 April,2024.
Empaka zébika ezókubaka zakubeerawo okuva nga 20 okutuuka nga 27 April, ate empaka zébika ezómupiira ogwébigere zakubeerawo okuva nga 27 April okutuuka nga 8 June,2024.
Empaka z’amasaza ezómupiira ogwébigere zigenda kubeerawo okuva nga 22 June okutuuka nga 26 October,2024.
Empaka endala ezirambikiddwa ku calendar yómwaka guno kuliko empaka zámaato, empaka zéggaali, empaka zébikonde néndala, kyokka Obwakabaka bwakusembayo nómukolo ogwókutikkira bannabyamizannyo abanasinga omwaka guno nga 7 December,2024.
Owek Ssalongo Robert Sserwanga agambye nti okufulumya calendar yébyemizannyo esoose mu bwakabaka egenderera okwongera okuteekateeka bannabyamizannyo okuvuganya obulungi nókufuna abawanguzi abatali ba kiboggwe.
