Arsenal yetaga abazannyi abamalirivu.
Eyaliko omuwuwuttanyi wa Arsenal, Emmanuel Petit awadde omutendesi wa Arsenal, Mikel Arteta amagezi agende mu Bayern agule bassita baayo Joshua Kimmich ne Leon Goretzka.
Abazannyi bano boogerwako nti baagala kukyusa ttiimu bafune okuvuganya okupya era Petit agamba nti Arsenal ebeetaaga.
“Sizoni ewedde, twabulako katono okuwangula Premier naye singa tufuna abazannyi abalungi ne tubongera ku baliwo, tusobola okufuuka bakyampiyoni,” Petit bw’agamba.
Ayongerako nti abazannyi bano bawangudde kumpi buli kikopo okuli Champions League, liigi, German Cup n’ebirala era bandyagadde okuzannyirako mu liigi endala.
Arsenal ebulamu abazannyi ab’obumanyirivu abayinza okugumira puleesa ne basigala nga bakuwangula emipiira okwawukanako ne bwe gwali sizoni ewedde, batabani ba Arteta bwe baatiribira nga bakulembedde liigi, Man City n’eva emabega n’ebatwalako ekikopo.
