Cheptegei awangudde omudaali ogwa zzaabu omulundi ogwokusatu.
Munnayuganda omuddusi w’embiro empavu Joshua Cheptegei, akubizza abantu enduulu eyoluleekeleeke bw’awangudde emisinde egya 10,000 egy’omulundi ogwokusatu n’afuna omudaali gwa zzaabu mu Nemzeti Atletikai Kozpont mu Budapest mu Hungary.
Joshua Cheptegei ng’abadde n’emidaali ebiri egya zzaabu n’emirala ebiri n’egya ffeeza ebiri mu mpaka z’ensi yonna egya 10,000 (emirundi 25 okwetooloola ekisaawe) kuno kw’agasse ogwaleero ogwa zzaabu bw’awangudde emisinde gino.
Joshua Cheptegei addukidde obutikitiki 27:51.42, addiriddwa Munnakenya Daniel Simiu Ebenyo 27:52.60 ne Munnaethiopia Selemon Barega 27: 52: 72 akutte ekyokusatu.
