Wilfred Zaha asiibudde aba Crystal Palace.
Omuwuwuttanyi wa Crystal Palace, Wilfred Zaha anyiinyiitizza enteeseganya ne bannantameggwa ba liigi y’e Turkey, aba Galatasaray oluvannyuma lw’okugaana okuzza obuggya endagaano ye ku Christal Palace.
Zaha, 30, enzaalwa z’e Ivory Coast ku Mmande yategeezezza nti avudde mu Palace n’ayolekera kiraabu ya Galatasaray abaalangiridde nti baatuuse ku kukkaanya naye ku ky’okumukansa.
Kigambibwa nti endagaano Zaha, gye yagaanye ebadde ya mitwalo gya paawundi 20 buli wiiki kyokka n’asalawo afulume ekibuga London gy’amaze emyaka 10.
Zaha Palace agizannyidde emipiira 458 n’abateebera ggoolo 90 era yasindikibwayo ku bbanja okumala sizoni bbiri mu kiseera nga ali mu Manchester United.
Ku makya ga Mmande, Zaha yawandiise ekiwandiiko ekitongole ekisiibula abawagizi ba Palace n’abasaba bajjukire ebirungi by’abakoledde n’okubaagaliza emikisa.
