Bika football tournament 2023.
Abazzukulu ba Gabunga abeddira e Mmamba Namakaka bakiguddeko, bazukulu ba Nakirembeka abeddira Omutima Omusagi babawandudde mu mpaka z’ebika bya Baganda ez’omupiira ogw’ebigere ez’omwaka guno 2023.
Omupiira guno guzanyiddwa mu kisaawe kya Kawanda SS.
Omutima Omusagi gukubye Emmamba Namakaka goolo 4-2 eza peneti oluvanyuma lw’okulemagana goolo 1-1 mu dakiika e 90.
Ku kisaawe kye kimu Empindi ewanduddemu Engabi Ennyunga goolo 1-0 etebeddwa Derrick Mboowa.
Mu kisaawe kya Buddo SS, bazukulu ba Katongole abeddira Ente nabo bawanduse, bakubiddwa Ngaali goolo 1-0 etebeddwa Luzige Nicholas.
Mu kisaawe kye kimu, Emmamba Kakoboza nayo ewanduse mu mpaka zino bw’ekubiddwa Engo goolo 1-0 etebeddwa Joseph Ssemujju.
Mu kisaawe kya Kabaka Kyabaggu e Wakiso, Omusu gukubye Enjaza goolo 5-4 eza peneti oluvanyuma lw’okulemagana 0-0.
Olugave lukubye Enkerebwe goolo 5-1.
Mu kisaawe e Wankulukuku, Enseenene ekubye Akasimba goolo 1-0 eteebeddwa Bruce Kalibbala.
Imupiira wakati we Mbogo ne Namungoona teguzanyiddwa olwa Namungoona obutalabikako.
