Vipers FC yetisse Uganda Cup.
Club ya Vipers FC esitukidde mu mpaka za Uganda Cup ez’omulundi ogwa 49, bw’ekubye club ya Poliisi goolo 1-0 mu mupiira oguzannyiddwa mu kisaawe kya Aki Bua Memorial Stadium e Lira.
Goolo ewadde Vipers ekikopo eteebeddwa Milton Kariisa.
Vipers ewangudde ekikopo kino omulundi gwayo ogw’okusatu.
Vipers era yegasse ku club endala eziwangudde ebikopo 2 okuli ekya Uganda Premier League ne Uganda Cup mu season emu, endala ye Villa Jogo abaakakikola emirundi 6, olwo Express, KCCA ne Vipers bakikoze omulundi gumu buli omu.
Vipers efunye ekikopo nga kwotadde n’obukadde bwa she 50, ate Police ekutte eky’okubiri efunye obukadde 25.
KCCA ne Express mukwano gwabangi be bakyasinze okuwangula empaka zino emirundi emingi giri 10 buli omu, Villa Jogo emirundi 9, URA ne Vipers emirundi 3 nabalala.
