ManU ekooye Martial.

Omutendesi wa ManU Erik ten Hag agambye nti akooye Omufalansa Anthony Martial era mwetegefu okumuleka agende mu ttiimu endala.

Martial ,27,alemeddwa okukakasa Ten Hag nti y’omu ku bateebi kw’alina okuzimbira ttiimu.Sizoni eno ebiseera ebisinga abimaze ku ndiri ng’azannye emipiira gya Premier 19 gyokka.

Ku Lwomukaaga nga bakuba Bournemouth (1-0), baamuggye ku kisaawe ne baleeta Wout Weghorst ng’omutendesi agamba alemeddwa okulaba omugaso gwe na lwaki asigala ku kisaawe.

Bayern ebasabye obukadde 22.

Abakungu ba Bayern,basabye ManU obukadde bwa pawundi 22 okutwalira ddala omuwuwuttanyi Marcel Sabitzer.Ono abadde mu ManU ku looni nga baamuleeta oluvannyuma lwa Christian Eriksen okulwala wabula omutindo gw’alaze gusikirizza omutendesi okwagala okumusigaza wadde nga bakyalinda okulaba anaagula ttiimu eno.