Niyoyita omusituzi w’obuzito awangulidde omudaali gwa zzaabu.
Munnayuganda omusitizi w’obuzito Davis Niyoyita awangulidde Uganda omudaali ogwa zaabu mu mpaka z’okusitula obuzito eza 2023 Africa Weightlifting Championships eziyindira mu kibuga Tunis ekya Tunisia.
Niyoyita omudaali aguwangudde mu mutendera gwa kiRo 55 oluvanNyuma lw’okusitula obuzito obuweza kiro 215.
Guno gwe muddaali gwa Uganda ogusoose mu mpaka zino ezaatandika ku Lwomukaaga lwa wiiki ewedde.
Mu mpaka zino eza 2023 Africa weightlifting Championships ,Uganda yakiikiriddwa abazannyi babiri okuli; Davis Niyoyita ne Lydia Nakidde nga bakung’aanya bubonero bubatwala mu mizannyo gya Olympics egy’omwaka ogujja 2024.
Ekibiina ekiddukanya omuzannyo gw’okusitula obuzito mu ggwanga ekya Uganda Weightlifting Federation kirina essuubi okuvuganya mu mpaka z’okusunsulamu za mirundi mukaaga omwaka guno nga abazannyi banoonya bubonero obubatwala mu mizannyo gya Olympics.
