Buli omu awera kusitukira mu liigi.
Liigi y’eggwanga w’etuuse, ya vvaawompitewo kuba kyampiyoni yandisalwawo ku mupiira ogusembayo.
VIpers, Sc Villa ne KCCA zezirwanira ekikopo kya sizoni eno kuba ttiimu zonna zenkana obubonero 46.
Ku lwomukaaga, KCCA yalemeddwa okumegga Express FC nebakola amaliri ga 0-0 kyokka nga ku lwokutaano Vipers ye yasooka okulemagana ne Onduparaka sso nga ne Villa yeyasooka okukubwa Maroons.
Mu mupiira gw’Olwomukaaga, KCCA yayingira ensiike nga yeetaaga buwanguzi bwokka okudda waggulu w’ekimeeza.
Esigadde emipiira esatu gyokka liigi ekomekkerezebwe kyokka buli omu abalira ku gisigaddeyo.
Ku Lwokubiri zonsatule zikomawo mu nsiike nga KCCA ne Vipers ziri waka ate Villa egenda Bombo ku UPDF. Vipers eri ne Express e Kitende ate KCCA ettunka ne BUL e Lugogo.
KCCA ebuzaayo, BUL, Busoga ne Bright Stars; Vipers erina Express, BUL ne Busoga ate SC Villa erina UPDF, Blacks Power ne URA FC.
