Kwemoi awangudde embiro za Milan Marathon.
![](https://endibbasports.com/wp-content/uploads/2023/04/Andrew-Kwemoi-Rotich-1024x768.webp)
Munnayuganda omuddusi w’embiro z’okwetooloola ebyalo, Andrew Kwemoi Rotich awangudde empaka embiro za Milan Marathon ezaabadde mu kibuga Milan ekya Yitale ku Ssande.
![](https://endibbasports.com/wp-content/uploads/2023/02/PM-1-1024x307.jpg)
Emisinde gino egya kiromita 42, Kwemoi yagiddukidde essaawa 2:07:14. Timothy Kipkorir enzaalwa ya Kenya yamalidde mu kyakubiri nga yaziddukidde essaawa 2:07:53 nga John Hazikimana enzaalwa ya Rwanda, yamalidde mu kyakusatu ku ssaawa 2:08:18. Munnayuganda omulala Kibet Soyekwo yamalidde mu kyamunaana ku ssaawa 2:10:58.
![](https://endibbasports.com/wp-content/uploads/2023/02/AM.jpg)
Omutendera gw’abakayala agwawanguddwa Munnakenya Sharon Cherop Jemutai oluvannyuma lw’okuddukira essaawa 2:26:13 nga Munnayuganda Immaculate Chemutai yamalidde mu kyakutaano mu ssaawa 02:29:26.