Green Hill academy yeetisse empaka z’okuwuga.
Empaka z’amasomero ga siniya ez’okuwuga eza Uganda Swimming Federation Secondary Schools Inter swimming Gala ez’omulundi ogw’omunaana zaakomekerezeddwa akawungeezi k’eggulo ku ssomero lya Green Hill Academy e Kibuli nga aba Green Hill Academy bazeefuze.
Green Hill Academy okutuuka okwefuga empaka zino baamaze kuwangula mutendera gwa bawala n’abalenzi nga wonna awamu baakung’aanyiza obubonero 1749 okuyita mu bawuzi okuli; Ampaire Namanya, Sonia Mwere ne Karla Mugisha.
Seroma Christian High School yakutte kyakubiri n’obubonero 1452, Elite High School Entebbe kyakusatu n’obubonero 1173 ate Kibuli Secondary chool ye yasibye ekira no’bubonero 153 nga wonna awamu amasomero ga siniya 11 ge geetabye mu mpaka zino.
Empaka zeetabiddwako ne pulezidenti wa kakiiko ka Uganda Olympic committee Dr. Donald Rukare nga ono ye yakwasiza abawanguzi ebirabo.
Moses Mwase pulezidenti w’ekibiina ekifuga omuzannyo gw’okuwuga mu ggwanga yategEezeza nga bw’asanyuse okulaba nga waliwo amasomero nga Lubiri SS ageetabye mu mpaka zino omulundi gwabwe ogusookedde ddala.
“Bwe tulaba amasomero nga Nabumali High agavudde awala okujja okwetaba mu mpaka zino, kitwongera okumanya nti oulimu gw’okubunyisa omuzannyo gw’okuwuga mu ggwanga tugukola era nga tujja kwongera okugukola. Omwaka ogujja nzikiriza nti wajja kubaawo amasomero mangi ageetaba mu mpaka zino,” Mwase bwe yateegezezza.
Empaka zino zitegekebwa ekibiina ekiddukanya omuzannyo gw’okuwuga mu ggwanga ekya Uganda Swimming Federation buli mwaka n’ekigendererwa eky’okubunyisa omuzannyo gw’okuwuga mu masomero wamu n’ebitundu by’eggwanga eby’enjawulo.
