Liigi y’abatasussa myaka 15 eyimiriziddwa.

Abaddukanya liigi y’abatasussa myaka 15 mu bitundu by’omu Kampala, baawaliriziddwa okugiyimiriza ng’entabwe eva ku lusoma lwa ttaamu esooka olw’omwaka guno okutandika.

Liigi eno eyaggyibwako akawuuwo nga January 10, yeetabwamu ttiimu 12 okuva mu bitundu bya Kampala eby’enjawulo ng’era eyitibwa ‘Kampala Region U-15 Junior League’, wabula nga laawundi esooka yabadde ebulako emipiira 12, liigi n’eyimirizibwa.

“Emipiira gya liigi y’abatasusa myaka 15 egyabadde gisigaddeyo gyayongezeddwaayo oluvannyuma lw’abaana okuddayo ku ssomero era gisuubirwa okuzannyirwa mu luwummula lw’olusoma olusooka,” Faizal Nsubuga omu ku baddukanya omupiira gw’abaana bw’agamba.