Bobosi Byaruhanga yeegasse ku MLS club Austin FC II eya Amerika.

Bobosi Byaruhanga eyali omuzannyi w’omwaka 2021 mu liigi y’eggwanga ‘Star Times Uganda Premier League’ yeegasse ku MLS club Austin FC II eya Amerika ku bwazike bwa sizoni nnamba okuva mu MFK Vyskov eya Czech Republic.

Club Austin FC II ye ttiimu eyookubiri eya Austin FC ezannyira mu Major League Soccer eya Amerika era ssinga Byaruhanga Ateekawo omutindo omulungi waakusukusuumusibwa yeesogge ttiimu enkulu (Austin FC) n’okuwona okuzannyira ku bbanja afuukire muzannyi wa Austin FC omujjuvu.

Byaruhanga abadde yeekoledde erinnya wano mu ggwanga, yali omu ku ttiimu y’abatasussa myaka 20 eyakubwa Ghana (2-0) ku fayinolo y’ekikopo kya U20-AFCON 2021 mu kibuga Nouakchott ekya Mauritania.

Sizoni eziyise abadde azannyira Vipers SC, yabawangulira ebikopo bya liigi y’eggwanga bibiri (2019/2020 ne 2021/2022) kw’ossa ekya Uganda Cup 2020/2021.