Kiplimo , Kiplangat beepikira misinde gy’e Buyindi.

Jacobo Kiplimo.

Abaddusi abasoba mu 10,000 be basuubirwa okwetaba mu misinde gya New Dehli Half Marathon egya kirommita 21 egy’okubeera mu Kibuga New Dehli ekya Buyindi  ku nkomerero y’omwaka guno.

Mu misinde gino egy’omulundi ogw’e 17 ,Uganda yaakukiikirirwa abaddusi babiri okuli Jacobo Kiplimo ne Victor Kiplangat.

Kiplimo agenda mu misinde gino oluvannyuma lw’okuwangula emisinde gya Great North Run egyabadde mu Bungereza nga ne ku mulundi guno Bannayuganda ba musibiddeko okuwangula ne gino.

Munnayuganda omulala Victor Kiplangat agenda mu misinde gino nga yaakawangula emisinde gya kirommita 42 mu mizannyo gya Common wealth egyabadde mu Birmingham ekya Bungereza mu july w’omwaka guno.

Kiplangat yafuse munnayuganda asoose okuwangula emisinde gya kirommita 42 mu commonwealth.

Singa omu kubo awagula ajja kufuuka munnayuganda asoose okuwangula emisinde gino mu byafaayo bakomye ejjoogo lya Ethiopia ery’emyaka ena egy’omuddiringanwa nga  bagyefuze.

Emisinde gino gyakoma okutegekebwa mu 2020 olw’ekirwadde kya covid 19.