Simwogerere ebitaala bimutadde.
Eyaliko omutendesi wa Express FC,George Simwogerere ebitaala bimutadde oluvannyuma lwa kiraabu y’e Tanzania ezannyira mu kibinja ekyo kubiri eya Pemba Football Club bw’emuwadde omulimu agitendeke.
Simwogerere abadde amaze emyaka ebiri ng’ali katebe bukya afuumuulwa Express mu 2020 mu luzannya olwokubiri mu liigi ya babinywera oluvannyuma lw’okwolesa omutindo gw’ekibogwe.
Siimu nga bw’atera okuyitibwa ye yabadde mu mitambo gya ttiimu y’abaaliko abazannyi ba Cranes ku lwokuna bwe yatendese ttiimu’Team Mawejje’ ng’emegga Cranes ya Micho Sredojevic ggoolo 2-1.
Pemba ezannyira mu kibinja eky’okubiri mu liigi ye Tanzania era Simwogerere asuubizza abawagizi ba ttiimu eno okubakomyawo mu liigi ya babinywera sizoni ejja.Omulimu gwa Siimu gwakakasiddwa omukutu gwa ttiimu eno ogwa yintaneeti.
