Abendiga balinze lunaku lwa fayinolo.
Bazzukulu ba Lwomwa (Abendiga) balinze lunaku Ssabasajja Kabaka lw’anaasiima fayinolo y’ebika ezannyibwe bambalagane n’aba Ndugwa(Aboolugave)
Endiga yagyeemu Effumbe ku ‘’Semi’ ng’egikubye ggoolo 5-3 wabula bazzukulu ba Walusimbi (Abeffumbe) ne bawaaba mu kakiiko akategeka empaka zino nga bagamba Endiga yasambisa George Ssenkaaba gwe bagambanti yeddira Ffumbe ne Ponsiano Ssegoonja eyali yawerebwa obutaddamu kwetaba mu mipiira gino olw’okuba nga yali yazannyira Ebika eby’enjawulo gye buvuddeko.
Saabawandiisi w’akakiiko kano Gerald Katamba agamba Endiga y’egenda okuzannya fayinolo kuba Abeffumbe tebaaleeta bujulizi bukakasa nsonga ze baawaaba nti Ssegoonja yali yawerebwa obutaddamu kwetaba mu mipiira gino . Ku nsonga ya Ssenkaaba, obutambi bwe bagamba nti baatukirira nnyina bwabadde tebuyinza kwesigamwako kyali kizibu okukakasa oba ye yali ayogera mu katambi ako kuba ayogera tetumulaba
