UPDF FC eyongedde okwenyweza.
UPDF FC ezannyira mu liigi ya Star Times Uganda Premier League eyongedde okwenyweza nga yeetegekera sizoni empya 2022-2023 bw’ereese abazannyi 12 okwongera okuggumira.
Bano kuliko; Oscar Agaba ne Augustine Akoch (Onduparaka fc) Andrew Kiwanuka(SC Villa), Moses Kakooza ne Farid Achumo(Synergy FC), Donald Buule ne Abbasi Kyegune(KJT),Badru Nsimbe Jibreal (Masaka city FC), ggoolokipa Simon Mabuya (Tooro United),Simon Mukisa(KCCA Junior), Steven Mpoza (URA) ne Hussein Zzinda.
Kino kiddiridde sizoni ewedde okuviibwako abazannyi bangi okuli; James Begesa, Simon Mbaziira, Yusuf Wasswa, Brian Bwete, Geoffrey Ssande, Dickens Okwir,Patrick Kushemererwa, Musa Mudde,Denis Ssekitooleko, Bernard Muwanga,Shaban Wasswa, Meddie Kyeyune nabalala olw’endagaano zaabwe okuggwaako.
Kati omwezi gumu n’ekitudu nga tutendekebwa,twatandika mangu kuba twagala kuwagala ttiimu ekimala,era ntunuulidde abazaannyi abalala bana okwongera okuggumiza nga sizoni tennatandika ,Ssenyondo bweyategeezezza.
Brian Ssenyondo atendeka UPDF yategeezezza nga sizoni ejja bwe baagala okulwanira ebifo 7 ebisooka mu liigi okwegyako puleesa ya sizoni ewedde bwe baawonera awatono okusalwako.
Sizoni empya esuubirwa okutandika nga September 30.UPDF sizoni ewedde yamalira mu kifo kya 10 n’obubonero 37.
