Omutendesi wa Man U alabudde bassiniya ba Man U.
Man U yamalira mu kyamukaaga sizoni ewedde ekyagivirako okusubwa okugenda mu champions league.
Omutendesi wa Man U, Eric Ten Hag agambye nti abazannyi bassiniya abagayaavu beetegeke akatebe okubookya. Kiddiridde abazannyi abava mu akademi ya ttiimu eno okwolesa omutindo omusuffu ebbanga lye yaaakabeera nabo mu kutendekebwa.
Omudaaki ono agugumbudde eyali omutendesi wa Man U. Ralf Rangnick olw’okutuulira ebitone bya bamusaayimuto ne yeesibanga ku bassita ekyazza omutindo gwa ttiimu emabega.
Mu bazannyi abato Ten Hag be yayogeddeko nti bandibadde balungi okutandika mu ttiimu enkulu sizoni ewedde kuliko; Zidane Iqbal omu ku bakungu abakola ne Ten Hag yagambye nti, Omutindo musaayimuto ono gwe yayolesezza, gwaviiriddeko omutendesi okwebuuza lwaki babadde batuulidde ekitone kye ebbanga eryo lyonna.
Yagasseeko nti Iqbal alina bassita bangi abasing era yandibadde atandika mu ttimu enkulu.Mu bazannyi abalala abato abaacamudde omutendesi kuliko Hannibal Mejbri ne Alejandro Garnacho, nabo abalaze omutindo ogw’enjawulo mu kutendekebwa.Man U yaakuggulawo sizoni ya Premier ne Brighton ku ssande nga August 7.
