Sarah Babirye Kityo mumativu ne kampeyini ya She Cranes ey’okutalaaga eggwanga.
Nga June 26, ttiimu yakwolekera Gulu okwongera okunoonya abuwagizi nga wonna awamu omwaka guno She Cranes yaakukola kampeyini z’okutalaaga ebitundu za mirundi ettaano.
Nga ttiimu y’eggwanga ey’omuzannyo gw’okubaka (She Cranes) yeetegekera mizannyo gya Commonwealth egigenda okubeera mu kibuga Birmingham ekya Bungereza ku nkomerero y’omwezi ogujja, abakungu baayo bakyagenda mu maaso n’okugitunda mu ggwanga. Ku Sunday baabadde mu bitundu by’e Rubirizi gye yazanyidde emipiira egy’omukwano (3).
Pulezidenti w’ekibiina ekiddukanya omuzannyo gw’okubaka mu ggwanga ekya Uganda Netball Federation, Sarah Babirye Kityo yategeezezza nga bwe batandise okulaba ebibala ebiva mu kampeyini eno.
“Ekigendererwa kyaffe kyali kulaba nga tukunga abantu okuwagira She Cranes wamu n’okwetanira omuzannyo gw’okubaka. Buli kitundu wetulaga kikira kukinaakyo obuwagizi,”Kityo bwe yategeezezza.
Kampeyini eno ebayamba kwetegekera mizannyo gya Commonwealth nga Uganda eri mu kibinja ekyokubiri ne Bungereza (abategesi), Trinidad and Tobago, Northern Ireland, Malawi ne New Zealand.
