Kampala University yeriisiza nkuuli ku kisaawe kyayo e Kibuli.
Kampala University eyongedde okufuula ekisaawe kyayo ekipya akattiro, bw’ewanguliddewo omupiira ogwokubiri ogw’omuddiring’anwa n’ekajjala ku ntikko y’ekibinja E.
Mu liigi ya yunivaasite
K.U 2-1 Uganda Martyrs
Eggulo K.U yakubye Uganda Martyrs University 2-1 ku kisaawe ekipya sizooni eno e Kibuli n’etangaaza emikisa gy’okuva mu kibinja kino mwe bali ne Gulu wamu ne Ndejje University.
Richard Tumusiime ye yasoose okufunira K.U ggoolo mu ddakiika eye 12, Henry Tumusiime n’akomyawo UMU mu kibalo mu ddakiika ye 48 wabula mu ye 57 ggoolokipa wa UMU Saddam Okoboi yakoze ekisobyo ku muteebi was KU Bill Lakomaketch ddifiri Stephen Kimayo n’agaba penati eyateebeddwa Said Mayanja.
K.U ogwasooka ku kisaawe kino yakubirawo Ndejje University (2-1) abaakakomawo mu liigi ya yunivasite okuva ku kkoligo lyokukola effujjo mu 2016.
Kati K.U ekulembedde ekibinja E n’obubonero mukaaga, Gulu, UMU ne Ndejje benkanya obubonero busatu buli omu.
