CHAMPIONS LIIGI.

EZ’ABUNGEREZA ZAKWESOGGA SEMI.

Olwokubiri:        Bayern Munich – Villareal

                                Real Madrid – Chelsea

Olwokusatu:      Atletico Madrid – Manchester City

                                Liverpool – SL Benefica

Empaka za babinywera eza Bulaaya eza “Champions” liigi ez’okuddingana za wiiki eno naye nga kirabbu bbiri ku ze Bungereza zirina emikisa mingi ejiyitawo okwesoga oluzannya olwa Semi.

 Liverpool yawangula Benefica ku goolo 3-1 mu luzannya olwasooka ate nga omupiira yagukubira ku bugenyi mu Portugal ekifuula olugendo lwayo olwokuddingana olwangu nga yeesigama ku bumanyirivu bwerina okusinga ku Benefica.

Manchester City yaakukyalira Atletico Madrid gyeyawangula ku goolo emu mu luzannya olwali mu Bungereza. Wadde nga Atletico Madrid ssi ttiimu nnyangu, obuwanguzi bwa City obwasooka yakubuzimbirako okujjamu Atletico. Atletico emanyiddwa nnyo okuggalira ate nga mu mupiira guno erina okwesiba ennyo mu kunoonya goolo ekijja okuwa Man City enkizo.

Real Madrid nayo yakukyaza Chelsea e Spain naye nga erina goolo 3-1 zeyawangulidde ku luzannya olusooka. Ensangi zino Chelsea ezibira bubi nnyo nga kijja kujibeerera kizibu nnyo okuggalira Benzema ate eno nga bwenoonya goolo ezisoba mu 2. Chelsea yandivaako.

Bayern Munich wadde nga yakubiddwa Villareal mu luzannya olusooka e Spain, tebinagwa. Omutendesi Unai Emery owa Villareall alina okulwana ennyo ku luzannya olunabeera ku Allianz Arena e Germany, olwensonga nti Germany yakujjayo n’agomubuto okunonya amagoolo okuyitawo. Obumanyirivu bwa Bayern mu kikopo kino bwakujiyisaawo.