EMPAKA Z’EKIKOPO KYA BUKUNJA FOUNDATION ZIKWEKUDDE EBITONE BYABANNABUIKWE.
Bya Jimmy Nteza
Ekitongole ekya Bukunja Foundation kyekiri emabega we mpaka eza Bufo cup ezifuuse ensonga
mu disitulikiti ye Buikwe. Empaka zino zatandika mu mwezi oguwedde era nga zaakutojjera
ppaka nga 31 omwezi guno. Abateesiteesi b’empaka zino okuli omw. Kiyaga Dan (omutandisi
era omuvujjirizi), Felix Sekabuza, Kyobe Hassan Mapeesa, Mbazira Charles, Chris Enock Mike,
balina ekigendererwa eky’okukwekula ebitone bya basambi okuva mu Buikwe
n’okubakwattirako okubongerayo ewasinga. Enteekateeka eno etandise mwaka guno naye nga
bano beetegefu okujjongerayo n’omwaka ogujja ate nga era bakujjigaziya etuuke ne mubitundu
ebisukka ku Buikwe.
Ttiimu 16 zezeetaba mu mpaka zino wabula nga weebutuukidde olwaleero nga omutendera
ogwa kwota gwakomekerezeddwa olunaku olweggulo. Kalangwa FC, Ssugu FC, Geregere FC,
Nnangunga FC, Senyi FC, Kitazi FC, Najja FC ne Katale FC zezaayita mu bibinja era nga
zezeetabye ku kwota. Oluzannya lwa semi lwakubeerawo nga 25 ne 26 ate nga fayinali
yakubeera ku kisaawe kya Nkoyoyo mu Matale nga 31 December ono.
