Newcastle erabudde Southampton.
Olutalo lw’okuwangulayo ekikopo ekisooka okuva mu 1969,Newcastle eruddamu leero.Ettunka ne Southampton mu gw’okuddingana ku semi ya Carabao Cup.
Mu lazannya olwasooka,baasiitaana okuwangula (1-0) eyateebwa Joelinton mu ddakiika y’e 73 wabula ku luno omutendesi Eddie Howe agamba nti,Engeri yokka ey’okusasula bakama bange olw’obwesigwa bwe bantaddemu, kuwangula kikopo.
Okukiwangula nnina kusooka kuggyamu Southampton era kino abazannyi bakimanyi bulungi.Ttiimu 2 zokka mu byafaayo by’empaka zino ezaali zikubiddwa mu luzannya olusooka (nga ziri waka)ne zigenda ku fayinolo.
Arsenal ye yasemba okukikola mo 1986/87.Kino kitadde Southampton etendekebwa NATHAN Jones alina essuubi nti basobola okuwangula.
Likodi ya Southapton ku st james’ Park(amaka ga Newcastle) nayo yeeraliikiriza.Mu mipiira 18 gy’egenzeeyo,eremeddwa okuvaayo nga teteebeddwamu,ewanguddeko gumu amaliri,amaliri 4 nga bagikubiddeyo 13.
